افغان ماشوم صبغت الله چې د څلوېښتو هېوادونو ترمنځ د ریاضیاتو په سیالۍ کې لومړی مقام ترلاسه کړی و. نن ورځ د مشرانو جرګې رئیس لخوا وستایل شو.

د افغانستان د ملي مصالحې عالي شورا رئیس ډاکټر عبدالله هند ته ځي.  نوموړی به په هند کې له صدراعظم نریندرا مودي سره وګوري او د نورو هندي چارواکو سره به د سولې په اړه خبرې وکړي.

د کرونا ویروس له امله د شپږو میاشتو ځنډ وروسته په حرم شریف کې د عمرې مراسم بېرته شروع شول.

پرون ورځ د ننګرهار ولایت په غني خیلو ولسوالۍ کې ترسره شوی خونړی برید د ولس لخوا د پراخو غبرګونونو سره مخ شوی دی. برید داسې وخت کې ترسره شوی و چې یاده سیمه کې زده کوونکي ښوونځیو ته او ولسي خلک پلي روان وو.

کله چې سوله وي بیا د هوا مرغان هم له انسان وېره نه کوي.

د هلمند ولایت باباجي سیمه کې د سولې دښمنانو د عام ولس باغونه، لارې او کورونه په ماینونو فرش کړي دي. د ولس او خاورې ساتونکي سرتېري لګیا دي ماینونه راوباسي.

ارګ د یوې مطبوعاتي اعلامیې په خپرولو سره په ننګرهار ولایت کې ترسره شوی موټربم برید په سختو ټکو کې غندلی دی. د افغانستان اسلامي جمهوریت جمهور رئیس د ملکي وګړو او په ځانګړي ډول په ماشومانو او ښځو بریدونه د اسلام خلاف او بشري ضد جنایت بللی دی.

فوزیه کوفي د سولې نړیوالې جایزې ته نومانده شوې ده.  فوزیه کوفي د دولت د سولې مذاکرې پلاوي غړي هم ده. د یادې جایزې لپاره د ټولې نړۍ څخه پنځه تنه کاندیدې شوې دي چې یوه یې پیاوړي مېرمن فوزیه کوفي ده. د ولسمشر ویاند صدیق صدیقي د نوموړي د کاندیدو هرکلی کړی دی.

نبي اکرم ﷺ فرمایلي دي چې لمونځ کول ، ښه اخلاق درلودل او په خپل منځ کې سوله او وروري کول تر ټولو ښه عملونه دي.

د ننګرهار والي ویاند عطاءالله خوږیاڼی وایي چې د ننګرهار ولایت په غني خیلو ولسوالۍ کې شاوخوا ۱۲ بجې د موټر بم برید ترسره شوی دی.
نوموړی زیاتوي چې بریدکوونکو غوښتل چې ډله ییز برید ترسره کړي خو امنیتي ځواکونو یې مخه نیولې ده.

د افغانستان زغفران په ټوله نړۍ کې لومړی مقام لري د افغانسنان زغفران په نړۍ کې د کیفیت له کبله لومړی او د کمیت له کبله دریم مقام لري. سږکال دافغانستان د زغفرانو د حاصلاتو کچه نېږدې ۲۰ ټنو ته رسیږي.

داسې پاک اوسه لکه اوبه، نو تل به خلک ستا تږي وي.

د کندهار ولایت ارغستان ولسوالۍ کې د سولې دښمنانو پوخ سړک د ماینونو په واسطه ویجاړ کړی دی او همداشان یې تر شلو زیات پلچکونه هم تخریب کړي دي.

د خوست پخوانی امنیه قومندان مل پسوال فیض الله غیرت د لوګر ولایت امنیه قومندان ټاکل شوی دی.

د خوست ولایت نادرشاه کوټ ولسوالۍ کې د امبلوکو باغونه چې سږ کال د نورو میوو ترڅنګ امبلوکو هم ښه حاصلات ورکړي دي.

که مې یو ځل خدای زړه له تانه تور کړ
په دعاګانو به مې غواړې نه به یمه

ولسمشر محمد اشرف غني ویلي دي چې د کرونا ویروس سره د مبارزې په برخه کې د شهیدانو طبي کارمندانو په یاد دې یو څلی جوړ شي، ترڅو د طبي کارمندانو خدمتونو ته درناوی وشي او خدمتونه یې هېر نه شي.

د ژوند هره لحظه یو چانس دی، خو په دې شرط که موږ ورڅخه مثبته ګټه واخیسته.

د هوا پېژندنې ادارې د افغانستان په ځینو ولایتونو کې د سختو اورښتونو او سیلابونو د راوتلو خبر ورکړی دی. په یادو ولایتونو کې کابل، بدخشان،ننګرهار، کونړ او څو نور ولایتونه شامل دي. هېوادوال باید چمتو واوسي چې سیلابونه او اورښتونه ورته زیان ونه رسوي.

طب یو پاک او سپیڅلی مسلک دی او ډاکټران د خلکو ژوند ژغوري. په دې موخه جمهوررئیس غني وویل چې په کالیزه کې دې یوه ورځ د ډاکټر په نوم هم ونومول شي.