صباح الخير ،

ارقصي بين حد الذنب والمغفرة
ارحلي في سكونك واسكني في الرحيل

ارجفي كنّك الماء فززته حجرة
واثبتي كنّك الفضّه بعين البخيل

وانحني مثل غصنٍ في طرفه ثمرة
واوقفي مثل فزعات بدوي اصيل

والفحي علمينا كيف تقدر مرة
تزرع الليل صبح وتزرع الصبح ليل

- فهد عافت

قلبي اللي من سكنتيه مالي فيه راي
الطموح يقرّبه والجروح تنفّره

قبل كرهك لـ إزعلي .. مقدر اضمن لك رضاي
كل زله منك غير الفراق .. مكفّره

لا سواك يسدّ جوعي ولا يقطع ضماي
انتي المقبوله اللي ماهيب اموفّره

-بدر بندر

على هالطاري
امرؤ القيس قال:

أغرَّكِ مني أن حبّكِ قاتلي.
وأنكِ مهما تأمري القلبَ يفعلِ

أعاتبها ويلمع دمعها واغير الموضوع
أنا الغلطان دام السالفه تاصل مدامعها
- بدر بن عبدالمحسن

الحب ضعف المُحب وهذي ..الفطره
آواه ياصوتك المقرون بـ احساسك
-الشاعرة نفود

شاركوني شقالو الشعار…

اعوذ بالله من الشيطان الرجيم

يَا بَنِي آدَمَ خُذُوا زِينَتَكُمْ عِنْدَ كُلِّ مَسْجِدٍ

الجواب: على ظاهرها، السنة أن يأخذ المؤمن زينته إذا ذهب للصلاة، يعني: ملابسه الحسنة الجميلة، واحتج بها العلماء أيضًا على وجوب ستر العورة، ولكن الآية فوق ذلك، تدل على أنه يشرع له مع ستر العورة…

دشداشة النوم :
< هنالك من اخواننا في الوطن يسمونها البجامه، وحبايبنا فالسعودية يسمونها قميص >
المهم !

مكانها فقط داخل سور البيت، او المزرعه ، او الاستراحه ، او الجاخور وهلم جره.

لاتطلع وانت لابسها ابدا : ليست للمطاعم ولا الجمعيه

والأهم : لاتروح المسجد وانت لابسها ! !!!!

اللهم صلِّ وسلم على نبينا محمد

أنحنى ظهر الطموح وشيّبت هقواتي
فـ الطريق اللي من الهجران يقنب ذيبه
'
والنتيجه ما مشت رجلي على غاياتي
وأبتديت أعامل الوحده وأحب الغيبه ..

- التعليق الي بالفيديو للتفكر :)

ايه احبه من كبر فعله ووسع بطانه
حتى : لوّ انه بعيد ولا لحقني نفعه

يكره الحاسد يشوف الخير عند اخوانه
مثل ما يكره مديح الطيبين الضفعه !

- محمد جارالله

ياللي تردّون قلبي عن مواريده
ما يِسنّد القلب دام الكبد عطشانه

حبّيت شخصٍ على رِجلي ثنى قَيدَه
و الحب فتنه و بعض النّاس فتّانه

و الملح و الزين ما حدٍ ياخذه بـ يده
وهايب من عطاء الرحمن سبحانه :)

- عبدالله بن شايق رحمه الله

خمر ! ولاّ شهد ! ولاّ ماء سحابة !
ريقك يرّد المقفّي عن دروبه

أبرد مْن المزن في وقت انسكابه
وأكثر مْن الجدول الجاري عذوبه

يفقد الضامي على عدّك صوابه
أنت بس اللي تفّز الروح صوبه

كيف أتوبك وأنت لأسئلتي إجابة ؟
كل تايب ودّه أنّك من ذنوبه

- سعود مهدي متغزلاً

من أمس أبرهن غيبتك ياتلع الجيد
و اسمن اعذارك و أنا بنتظارك

لكن مدري كيف ما جابك العيد
و أنت النهار اللي يجيبك مبارك .

قال أحدهم :

المحبة معْك غلطة . . مستعد اغلطها
دام مايشبهك أحد و أنا ماحد يشبهني

بيني و بينك ترى شرّ الأمور أوسطها
كان ما حبيتني من قلب .. ولا أكرهني

نفسياً ارتاح لامن جيت هالسكه
يا قبلة الله ويا ملحة على بيتك

يا اغلى من اغليت يا وسط الورق إكه
لو كنت دمعة تنهدتك وهليتك

بـ لساني الطلق ، لا شفتك تجي لكّه
و أنا محنّك ، وليتك تفتهم ليتك

باب يجي منه ريح ، ومزعجك صكّه
قل منك مليت ، ( و اقطعها إذا جيتك )

- سالم حمد الملعبي

ما قلت أحبك عبث .. ولا عن الشكة
تبيني أقسم ؟ قسم بالله حبيتك !

'حنيتك من العتب يوم إن بعض العتاب
أقطع من السيف وأصدق من دموع اليتيم

أهديت لك ورد وأهديتني أخطر صواب
محد رمى الورد غير أنتِ وعبدالحليم '

- بندر الدويش

ترا الناس في حاجة بعضها على استمرار
كذا خِلقت الدنيا … والايام دواره

اكتشفت ان الكويت كلها لابسين نفس الخامة الا انا :)

اقوى ايسبرسو بالعاشره او قريب منها
وفاتح هالحزه وين ؟

من ابسط حقوق الشخص يندم على اللي الراح
لو انّا نعرف ان . . ( الندم ) ما يرجع شي

يقولون لي .. بكره تزين وعجزت ارتاح
تبا تزين بكره بس من يضمن اني حي

- فهد قطنان