بے آبرو نہ تھی کوئی لغزش مری قتیل
میں جب گرا جہاں بھی گرا ہوش میں گرا

قتیل شفائی

جو حق پر بولے زبان کھولے سکوت توڑ دے
میرے لیے وہ معتبر ہے حسین تر ہے ۔۔!!

خاموش طبع لوگ تھے پھر وہ ملا اور ہم
لفظوں کے ہیر پھیر کا مطلب سمجھ گئے

زویا شیخ

چُپ چاپ اپنی آگ میں جلتے رہو فرازؔ
دنیا تو عرضِ حال سے بے آبرو کرے

احمد فراز

جیب خالی ہو تو رشتے ہی بدل جاتے ہیں
فرق ہر شخص کے برتاو میں آجاتا ہے

دل دھڑکتا تو ہے اوقات سے بڑھ کر لیکن
چوٹ پڑتی ہے تو ٹھہراو میں آجاتا ہے

یعنی اک خواب پہ میں عمر گذاروں اپنی ؟
خواب بھی ایسا جو کم بھاو میں آجاتا ہے

کومل جوئیہ

میں جانتا ہوں خدا کی قسم نہیں ہوتا
منافقوں پہ خدا کا کرم نہیں ہوتا

ہم ایسے پیڑ توجہ کا پانی مانگتے ہیں
ہماری آنکھ کے صحرا میں نم نہیں ہوتا

یہ بے وفائی کی برچھی کا درد ہے پیارے
تمھارے لوٹ کے آنے سے کم نہیں ہوتا

کوئی کتاب کوئی شخص ہی دکھائے مجھے
وہ نظریہ جو جہالت میں ضم نہیں…

یہ بھی ممکن ہے کہ اک دن وہ پشیماں ہو کر
تیرے پاس آئے زمانے سے کنارہ کر لے
تُو کہ معصوم بھی ہے زُود فراموش بھی ہے
اس کی پیماں شکنی کو بھی گوارا کر لے

احمد فراز

منتظر رہنا میری جان بہار آنے تک
رنگ شاخوں سے گلابوں میں اتر جانے تک

دشت بے آب سے پوچھو کہ وہاں کے اشجار
کن مراحل سے گزرتے ہیں نمو پانے تک

چند لمحوں میں سبھی عکس نکھر آئیں گے
دھند کا راج ہے بس دھوپ کے نکل آنے تک

مقبول عامر

کہیں پہ کچھ تو غلط ہوا ہے
جو اِس طرح ہم
ٹھٹھرتے سورج کی زرد کرنوں
میں لپٹے وعدوں کو مصلحت کی اندھیری قبروں
میں دفن کر کے سِسک رہے ہیں
کہیں پہ کچھ تو غلط ہوا ہے
جو آج دونوں
ہم اپنے اپنے اُداس کمروں میں سر نیہوڑے
سِسکتی یادوں کا غم اُٹھائے
بِلک رہے ہیں
بھٹک رہے ہیں

میثم علی آغا

آسیبِ جُفت سے ہوئے یوں مانوس کہ هم
ہر دِل سے اُتر جاتے ہیں دو دِن کے بعد

میسر کس لئے گھر کوئی آئے چھین لیں گے
ہمیں یہ دربدر کر کے سرائے چھین لیں گے

ادھوری ہی رہے گی چھاؤں کی حسرت کہ مالی
شجر تو دینگے لیکن ان کے سائے چھین لیں گے

ہمارے ہر طرف نادیدہ ہاتھوں کا ہے ڈیرہ
جو ہم نے خواب مشکل سے کمائے چھین لیں گے

ہماری ملکیت پہ کیوں کرے دعویٰ کوئی بھی
کوئی…

ایک ہی شخص کو چاہو نہ کبھی دوسری بار
ایک ہی ہاتھ کو دو بار نہیں کھینچتے دوست

دیکھ دریا سے محبت ہے سراسر نقصان
یہ بھنور پیارے سہی پار نہیں کھنچتے دوست

فقیہ حیدر

عیبِ طولِ کلام مت کریو
کیا کروں میں سخن سے خوگر تھا

میر تقی میر

جب تک وہ بے نشان رہا دسترس میں تھا
خوش نام ہو گیا تو ہمارا نہیں رہا

گم گشتہ سفر کو جب اپنی خبر ملی
رستہ دکھانے والا ستارہ نہیں رہا

پروین شاکر

شاعری میں میر و غالب کے زمانے اب کہاں
شہرتیں جب اتنی سستی ہوں ادب دیکھے گا کون

آغازِ جفا کی تلخی سے گھبرا نہ دِل آزار طلب
یہ وقت یہیں پہ ختم نہیں کُچھ تلخ زمانے اور بھی ہیں

شکیلؔ بدایونی

تیری یاد میں آخری شام کا ڈھلتا سورج الوداع
گزشتہ امید پھر ہے باقی گزشتہ سال الوداع

اُجڑا آنگن شکستہ بام وہ مدھم مدھم رقصِ برکھا
فصیلِ جاں روحِ زنداں اک اور قیام الوداع

جا دسمبر تیری ٹھنڈک تپتے ٹیلے پہ ہے طبیب
خیر تیرے بس سے باہر ماہِ تمام الوداع

اپنے پسندیدہ اشعار کمنٹ کریں۔ پسند آنے والے اشعار آپ کے نام کے ساتھ پیج پر پوسٹ کئے جائیں گے۔ کمنٹ اردو رسم الخط میں کریں اور شاعر کا نام ضرور لکھیں۔

کیا کہے گا کبھی ملنے بھی اگر آئے گا وہ
اب وفاداری کی قسمیں تو نہیں کھائے گا وہ

اجمل سراج

اک عُمر اپنے بیٹوں کو اُنگلی تھمائی پھر
بُوڑھے نے اِک دُکان سے لاٹھی خرید لی

پارس مزاری

نمازیں بھی ادا ہوتی رہیں ان کی مگر جب بھی
ملی رشوت تو حاکم نے چھپا کر جیب میں رکھ لی

جوہر سیوانی