اسمعي يا امال انا لازم ابيع كل حاجه البنك هيحجز علينا لو مسددناش القروض اللي علينا= مش انت اللي قعدت تتفشخر اكبر قصر واكبر جامع واكبر كنيسه وترميم معبد اللي مايتسموا وايشي طيارات وايشي مجوهرات للمدام وايشي استراحات وعربيات علي العموم بيع اللي تملكه اللي ماتملكهوش ملكش بيع عليه
انا مش عارف احنا كنا عايشين ازاي والاسعار كانت شكلها ايه قبل مانزرع المليون ونص فدان وكنا بناكل سمك ازاي قبل مزارع السمك والجمبري ولاكنا ساكنين في بيوت ازاي قبل العاصمة الإدارية والمليون شقة ولا الشباب كان بيشتغل فين وازاي قبل عربيات الخضار ولا اقتصاد البلد كان عامل ازاي قبل
يعني انت زعلان وعمال كل يوم والتاني تتكلم علي رغيف العيش ابو خمس قروش مره تقول ماهو مش معقول يبقي العشرين رغيف بسيجارة ومره تقول بيكلف الدوله ١٣٠ قرش طب ما تكلمنا عن دخل قناة السويس ولا منجم السكري ولا الآثار اللي بتتباع ولا الفلوس اللي بتصدر بيها الغاز ولا الكهرباء ولا المليارات
يعني انت تقعد تستلف وتستلف والبنك يحط شروطه علينا احنا واحنا اللي نسدد وترجع تقولي انا ببني دوله أما هي ما كانتش دوله ياخويا كنت ماسك فيها ليه بأيدك وسنانك وعمال تقول اللي هيقرب منها هشيله من علي وش الارض اللي عاوز يبني ببني من شطارته وإنتاجه مش من علي قفا الناس الغلابه